Kommunearkivordninga i Vestland kommunalt oppgåvefellesskap

Kinn kommune er del av kommunearkivordninga om arkivfagleg kompetanse og tenester, som legg til rette for at arkiva vert handtert, teke vare på og formidla i samsvar med arkivlova sine føremål og føresegner. Kommunearkivordninga yt depottenester for papirbaserte og elektroniske arkiv. 

Arkivplan

Kinn kommune har samarbeid med Luster og Stad kommune om å utarbeide funksjonsbasert arkivplan, med rettleiing frå Kommunearkivordninga i Vestland.

Faggruppe for arkiv 

Kinn kommune har samarbeid med Gloppen, Bremanger, Stad og Stryn kommune om bl.a. sak/arkivsystem, fagsystem og generelle arkivspørsmål.

Faggruppa stiller med 1 representant i fagnettverket Nordfjord og Sunnfjord. Nettverket er ein arena for informasjon, kommunikasjon og samarbeid knytt til digitalisering og tenesteutvikling i Nordfjordsamarbeidet.

Kommunale føretak

KF Bordgleder, KF Havhesten, Florø hamn KF og Kinn utdannings- og ressurssenter KF journalfører dokument i kommunen sitt sak/arkivsystem ACOS WebSak. Sakene og dokumenta har eigne arkivdelar, og vert gjort tilgjengelege i kommunen si innsynsløysing. 

Florø hamn KF er sekretariat og ansvarleg for den operative drifta i Alden hamneområde, som inkluderer sikring av tryggleiken i farvatna i medlemskommunane Askvoll, Fjaler, Hyllestad, Kinn (farvatnet sør for Bremanger) og Sunnfjord. Saker og dokument vert journalført i sak/arkivsystemet ACOS WebSak Alden. Kinn kommune tek seg av kvalitetskontroll og kontroll av ferdigstilte dokument.

Interkommunale samarbeid

IKS Folkehelseavdeling journalfører dokument i kommunen sitt sak/arkivsystem ACOS WebSak. Sakene og dokumenta har eigen arkivdel (HELSE-IKS), og vert gjort tilgjengelege i kommunen si innsynsløysing.

Vest kontroll tek hand om sekretariatfunksjonen for kontrollutvalet til Kinn kommune. Kontrollutvalet journalførte dokument i kommunen sitt sak/arkivsystem ACOS WebSak i perioden 19.04.2022 til 31.12.2023. Sakene og dokumenta hadde eigen arkivdel (KINNKU), og låg tilgjengeleg i kommunen si innsynsløysing 730 dagar etter publisering. 

Oppgåvefellesskap

IKT Nordfjord er organisert som eit oppgåvefelleskap etter Kommunelova kapittel 19. IKT Nordfjord består av èi driftseining, Nordfjordnett, som er lokalisert i Måløy og èi strategisk eining, IKT Strategi, som er lokalisert på Nordfjordeid under ei og same leiing. Kommunane Bremanger, Gloppen, Kinn, Stad og Stryn deltek i samarbeidet. Kinn kommune er kontorkommune og formell arbeidsgjevar for dei tilsette i Nordfjordnett. Stad kommune er kontorkommune og formell arbeidsgjevar for tilsette i IKT Strategi.

Nordfjordnett tek vare på kommunen sine oppgåver knyta til drift, service, forvaltning og utvikling av informasjons- og kommunikasjonsteknologi (IKT). Driftseininga tilbyr rådgjeving, prosjektstøtte og brukarstøtte.

Aksjeselskap

Kinn kommune er aksjonær/eigar i selskapa Florø Parkering AS, Måløy Vekst AS, Aksello AS, Vågsøy Parkering AS og ASVO Måløy AS.